مزن  وزیر محمد  شہباز شریف  ءِ سروکی  ءَ   بنجاھی کابینہ  ءِ دیوان،  زمین  چنڈ  ءِ آماچیں مردم آنی کمک ءِ واستہ ریلیف فنڈ  جوڑ  کتگ،  بنجاھی  کابینہ یک ماھے ءِ  پگار ءُ  گریڈ  18  ءَ چہ  گریڈ  22  ءِ اپسرگ   یک  روچے ءِ پگار  کمک  کتگ

اسلام آباد۔7فروری  (اے پی پی): مزن وزیر  محمد  شہباز شریف   ءَ ترکیہ   ءَ زمین چنڈ    ءِ کمک ءِ واستہ ریلیف فنڈ  جوڑ کتگ۔  بنجاھی  کابینہ  ءِ یک ماہے ءِ پگار  وھدیکہ گریڈ  18  ءَ چہ بگر  تاں  22  ءِ سرکاری  اپسرگ  آنی یک   روچے  ءِ پاگار ترکیہ  ءِ  زمین  چنڈ  ءِ آماچیں مردم آنی واستہ  جوڑ کتگیں فنڈ ءَ  کمک  دیگ  بیت۔   اے گپ ءِ  پیسلہ    مزن وزیر محمد شہباز شریف  ءِ سروکی ءَ  بنجاھی  کابینہ  ءِ دیوان ءَ  کنگ   بوت۔  مزن وزیر  کارگس ءِ پریس  ونگ ءِ رد ءَ دیوان ءِ بنگیج  بنجاھی  کابینہ  ءَ ترکیہ  ءُ شام  ءَ زمین چنڈ   ءَ چہ بوھوکیں  تباہ ءِ  پد ءَ جھلانکیں   ءُ اپسوزی  ءِ درشان کت ءُ بیران  بوتگیں  مردم آنی واستہ  آکبت پہ  ھیری،  گس ءِ  مردم آنی واستہ  سگ ءُ اوپار کشی ءُ  ٹپیگ    آنی   زوت جان سلامتی ءِ  واستہ  دعا  ءِ نیک کت۔