اسلام آباد۔7فروری (اے پی پی): مزن وزیر محمد شہباز شریف ءَ الس ءَ گوں ترکیہ ءِ زمین چنڈ ءِ آماچیں مردم آنی واستہ کمک دیگ ءِ اپیل کنان ءَ گوشتکہ سکیں اے ساھت ءَ حکومت ءُ پاکستان ءِ الس ترکیہ ءِ وتی برات ءُ گہار آنی گیشاں چہ گیش کمک ءَ بکن اَنت۔ سئے شمبے ءَ مزن وزیر ءَ الس ءَ گوں ترکیہ ءِ زمین چنڈ ءِ آماچیں مردم آنی واستہ کمک ءِ اپیل ءَ کنان ءَ سکیں اے ساھت ءَ حکومت ءُ پاکستان ءِ الس ترکیہ ءِ وتی برات ءُ گہار انی گیشاں چہ گیش کمک ءَ بکن اَنت۔ سئے شمبے ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ سیر لاپیں ، ادارگ ءُ الس ءَ گوں ترکیہ ءِ واستہ گوں پچیں دل ءَ کمک کنگ ءِ دزبندی کتگ۔ مزن وزیر ءَ گوشتگ کہ آئی ءَ “پی ایم ریلیف فنڈ فار ترکیہ ارتھ کوئیک وکٹمز” جوڑ کتگ، الس ءُ سیر لاپیں مردم آنی اکاونٹ نمبر G-12166 ءَ گوں پچیں دل ءَ کمک جم بکن ات۔ آئی ءَ گوشتگ کہ ترکیہ ءِ براتیں ملک ءَ 7.8 کساس ءِ زمین چنڈ ءَ چہ قیامت ءِ ندارگ ودی بوتگ انت۔ ترکیہ ءَ زمین چنڈ ءَ چہ ہزارانی مردم بیران بوتگ انت۔ مزن وزیر ءَ گوشتگ کہ ترکیہ ءَ پاکستان ءِ رکھینگ ءُ الس ءِ استیں جیڈھ آناں مدام گوں پچیں دل ءَ کمک کتگ۔ ترکیہ ءَ 2005 ءِ زمین چنڈ 2010 ءُ 2022 ءِ ٹویں سیلاپ ءَ گوں پچیں دل ءَ کمک کتگ۔ آئی ءَ گوشت کہ سکیں اے ساھت ءَ پاکستان ءِ حکومت ءُ الس ھم ترکیہ ءِ برات ءُ گہار آنی کمک ءَ بکن ات، ترکیہ ءِ الس آنی کمک مئے دینی زمہ واری انت۔
