پشاور۔ 07 فروری (اے پی پی) صدر مملکت ڈاکٹر عارف علوی سے شنبےنادے آ لیڈی ریڈنگ ہسپتال (ایل آر ایچ ) پشاور نا دورہ ءِ کرے ہراڑے او پولیس لائن نا مسیت دھماکہ ٹی ٹھپی مروک آتا جان پڑسی ءِ کرے۔ صدر مملکت ہسپتال نا چندی وارڈآتا دورہ ءِ کرے و ٹھپی تتون ہیت و گپ کرے و ہسپتال انتظامیہ ءِ پارت کرے کہ اوفتے گچین طبی آسراتی فراوان کننگے۔ صدر مملکت تون اوار نگراں وزیراعلیٰ خیبرپختونخوا محمد اعظم خان ہم ئسک۔ صدر مملکت ٹھپی پولیس کارندہ غاتا حوصلہ نا ستاءِ کرسا دا عزم انا درشانی ءِ کرے کہ شہید آتا قربانیک زیان مفسہ۔ او دھماکہ ٹی ٹھپی مروک آتا زوت دراخ جوڑی کن دعاکرے۔
