وزیراعظم شہباز شریف زمی جمب آن بھسکاری، جونی نسخان تیا ہڑزخواہی، ترکیہ نا الس تون یکجہتی نا درشانی ءِ کننگ کن پگہ انقرہ غا روانہ مریک، مریم اورنگزیب

اسلام آباد۔ 07 فروری (اے پی پی) وزیراعظم شہباز شریف ترکیہ نا صدر رجب طیب اردوان تون زمی جمب آن بھسکاری و جونی نسخان تیا است ہسونی و ہڑزخواہی و ترک الس تون یکجہتی نا درشانی ءِ کننگ کن پگہ (چارشنبےنادے آ) انقرہ غا روانہ مریک۔ سے شنبےنادے آ بنجائی وزیر حوالکاری و شینکاری مریم اورنگزیب تینا ٹویٹ اٹی پارے کہ وزیراعظم شہباز شریف وزیراعظم نا دورہ ءِ ترکیہ نا سوب آن پنچ شنبےنادے 9 فروری آ بٹنگوک آ اے پی سی ءِ موخر کننگ انگءِ۔ اوپارے کہ وزیراعظم (پگہ) چارشنبےنادے آ انقرہ غا روانہ مریک۔ ہموکان پدی بننگ آن پد سیوتی تتون سلابت اٹ اے پی سی نا پوسکن آ تاریخ نا پڑو ءِ کننگک۔