دوائی تا نہاد آتیا ہچ ءُ سمجھوتہ اس کپنہ، الس ءِ ریلیف تننگ کن گچین گام گیج کننگ اُن، عبدالقادر پٹیل

اسلام آباد۔ 07 فروری (اے پی پی) بنجائی وزیر قومی جان جوڑی عبدالقادر پٹیل پارینے کہ دوائی تا نہاد آتیا ہچ ءُ سمجھوتہ اس کپنہ، حکومت الس ءِ ریلیف تننگ کن گچین گام گیج آتے پک کننگ اٹی ءِ۔ وزارت جان جوڑی آن جاری بیان نا رداٹ بنجائی وزیر پارے کہ دوائی تا نہاد آتیا ہچ ءُ سمجھوتہ اس کپنہ۔ دوائی تا بے سلنگ آن فراوانی ءِ پک کننگ کن غٹ تر المی گام گیج آتے پک کننگ اُن۔ اوپارے کہ پی پی ایم اے و وزارت جان جوڑی نا کمامدارآتا پنچ شنبے نادے آ4 بجہ غا کراچی ٹی اہم ءُ دیوان اس مریک ہرانا مسخت دوائی تا بے سلنگ آن فراوانی ءِ پک کننگ ءِ۔ عبدالقادر پٹیل پارے کہ حکومت الس ءِ ریلیف تننگ کن گچین گام گیج آتے پک کننگ اٹی ءِ۔ حکومت ءِ السی مشکل و ویل آتا سماءِ۔