اسلام آباد۔ 07 فروری (اے پی پی) الیکشن کمیشن بلوچستان نا 22 ضلع غاتیٹی بلدیاتی گچین کاری تا ارٹ میکو ریسہ ٹی مخصوص نشست آتیاگچین کاری تیکن 5 ضلع غاتا گچین کاری عملہ ءِ بدل کرینے۔ الیکشن کمیشن نا کنڈان سے شنبےنادے آ جاری کروک نوٹیفکیشن نا رداٹ ضلع زیارت اٹی ڈسٹرکٹ ریٹرننگ آفیسر نا وڑاٹ ایڈیشنل ڈپٹی کمشنر ریونیو زیارت نا جاگہ غا اسسٹنٹ کمشنر زیارت ءِ تعینات کننگانے۔ ضلع جعفرآباد اٹی ڈسٹرکٹ ریٹرننگ آفیسر نا وڑاٹ اسسٹنٹ کمشنر تحصیل جھٹ پٹ نا جاگہ غا سب ڈویژنل بی اینڈ آر ءِ تعینات کننگا۔ ضلع سوراب اٹی ڈسٹرکٹ ریٹرننگ آفیسر نا وڑاٹ اسسٹنٹ کمشنر گڈر نا جاگہ غا ایڈیشنل ڈپٹی کمشنر ریونیو سوراب ءِ تعینات کننگانے۔ ضلع پنجگور اٹی ڈسٹرکٹ آئی ٹی آفیسر پنجگور نا جاگہ غا پرنسپل انٹرکالج عیسائی پنجگور ءِتعینات کننگانے۔ ضلع خاران اٹی ڈسٹرکٹ ریٹرننگ آفیسر نا وڑاٹ ڈویژنل ڈائریکٹر اسکول نا جاگہ غا ایگری کلچر آفیسر خاران ءِ تعینات کننگانے۔

متعلقہ مضامینمصنف کی طرف سے مزید