اسلام آباد۔ 07 فروری (اے پی پی) کل جماعتی حریت کانفرنس آزاد جموں و کشمیر وپاکستان نا کنوینر محمود احمد ساغر، جنرل سیکرٹری شیخ عبدالمتین و سیکرٹری حوالکاری امتیاز وانی ئسک ترکیہ و شام اٹی زمی جمب آن مروک آ جونی نسخان تیا ہڑزخواہی نا درشانی ءِ کرینو۔ سے شنبےنادے آ جاری کلہو اٹی اوترکیہ و شام اٹی زمی جمب آن قیمتی جون تا نسخان و ملکیت آتا بھسکاری آ ڈکھیائی و است ہسونی نا درشانی ءِ کرسا پاریر کہ غم انا دا ساہت اٹی او تینا ترک ایلم تتون سلوک ءُ۔ اوفک ترکیہ و شام انا الس و حکومت تون ہمدردی نا درشانی ءِ کرسا زمی جمب اٹی قیمتی جون تا زیان آ ہڑزخواہی نا درشانی ءِ کرسا کشمیری قوم دا سانحہ و ڈکھیائی نا ساہت اٹی ترکیہ و شام انا الس تون تفوک ءُ۔ دعا ءِ کہ اللہ تعالیٰ زمی جمب اٹی زوال کروک آ بندغ آتے جنت الفردوس اٹی بڑزکو ہند اس و پدسلوک آتے صبر و جمیل و ٹھپی تے دراخ جوڑ کے۔ اوفک پاریر کہ نن پدسلوک آ خاہوت آتون ہڑزخواہی نا درشانی ءِ کینہ و ٹھپی تا زوت دراخ جوڑی کن دعا کینہ۔
