اسلام آباد۔ 07 فروری (اے پی پی) قومی ادارہ جان جوڑی (این آئی ایچ ) پارینے کہ مچ آ ملک اٹی 24 گھنٹہ ٹی کورونا دین انا 13 کیس رپورٹ مس و 11 ناجوڑ آتا حالیت نازرک ءِ۔ سے شنبےنادے آ این آئی ایچ نا کنڈان جاری حساب وکتاب نا رداٹ مچ آ ملک اٹی 24 گھنٹہ ٹی 2 ہزار 406 کورونا ٹیسٹ کننگا ہرافتیان 13 بندغ آتا ٹیسٹ مثبت بسنے، ہندا وڑ دا مد اٹی کورونا ٹیسٹ انا مثبت کچ 0.54 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 11 ناجوڑ آتا حالیت نازرک ءِ ۔ مچ آ ملک انا چندی شار تیٹی 24 گھنٹہ ٹی کروک آ ٹیسٹ آتیان اسلام آباد اٹی 249 ٹیسٹ کننگا ہرافتیان اسہ ٹیسٹ مثبت بس و ہموڑے مثبت کیس آتا کچ 0.40 درسد ئس، ہندا وڑ فیصل آباد اٹی 114 ٹیسٹ آتیان اسہ ٹیسٹ اس مثبت بس ، ہموڑے کچ 0.88 درسد ئس وخت اس کہ لاہور اٹی 512 ٹیسٹ آتیان 05 ٹیسٹ مثبت بس و ہموڑے مثبت کیس آتا کچ 0.98 درسد ئسک۔
