کوئٹہ۔ 07 فروری (اے پی پی) بلوچستان یونین آف جرنلسٹس نا پوسکن گچین مروک آ کابینہ تون بلوچستان پروفیسر ز اینڈ لیکچررایسوسی ایشن نا ڈل اوڑدہی کرسا یونین نا ساڑی آ گچین کاری تیٹی صدر عرفان سعید، جنرل سیکرٹری منظور احمد تون اوار ایلو عہدیدار آتے پبی سرسہبی آ مبارکبادی تس۔ بی یو جے نا پوسکن گچین مروک آ سرکڑدہ غاتا صحافی تا راجی آسراتی کن برجاکوشست آتے زوت ایسر اسکان سرکننگ نا عزم انا دُوارہ پارے۔ بلوچستان پروفیسرز اینڈ لیکچرر ایسوسی ایشن نا صدر طارق بلوچ نا کماشی ٹی جنرل سیکرٹری رازق الفت کاکڑ و ایلو عہدیدار آک کوئٹہ پریس کلب اٹی بی یوجے نا صدر عرفان سعید جنرل سیکرٹری منظور احمد و ایلو پوسکن گچین مروک آ عہدیدارآتے مبارکبادی تسر۔ ودااومیت نا درشانی ءِ کریر کہ پوسکن گچین مروک آ کابینہ صحافی تا راجی آسراتی نا مثبت گام گیج آتیٹی پیش رفت اتنگ تون آجوئی درشانی سلاہ کن جہد ءِ برجاتخرہ۔ داوخت آ بی یوجے نا صدر عرفان سعید و جنرل سیکرٹری منظور احمد دل انا منت واری ءِ ہرفسا پاریر کہ بلوچستان اٹی صحافت آسان اف مشکل حالیت آتیٹی کاریم کروک آ صحافی تا راجی آسراتی کن بھاز زیات کاریم نا گرج ءِ ، پوسکن گچین مروک آکابینہ تینا تدوک آ سال انا گام گیج آتے داسال ایسر اسکان سرکیک داوخت آ کوئٹہ پریس کلب نا صدر عبدالخالق رند پی ایف یوجے نا سینئر نائب صدر سلیم شاہد، بی یوجے نا فنانس سیکرٹری عبدالغنی کاکڑ، سینئر جوائنٹ سیکرٹری چوہدری امتیاز، جوائنٹ سیکرٹری جبار بلوچ ، رکن مجلس عاملہ شاہد مختار و ایلو سینئر صحافیک ہم ساڑی ئسر۔
