اسلام آباد۔6فروری (اے پی پی): مزن وزیر محمد شہباز شریف ءَ نیشنل انرجی ایفیشینسی اینڈ کنزرویشن اتھارٹی (نیکا)ءِ نوک سر برجائی، گہتری کار ءُ ایشی ءِ کار رپک آنی تہءَ گیشی ءِ ٹوھیں پیسلہ کنان ءَ مزن وزیر شاہد خاقان عباسی ءِ سروکی ءَ وزارت آنی وت مہ وتی سٹیئرنگ کمیٹی جوڑ کت۔ مزن وزیر کارگس ءِ میڈیا ونگ ءِ نیمگ ءَ دو شمبے ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ملک ءَ ھاٹیگ ءِ بچت ءِ واستہ گامگیج آنی سر ءَ چار ءُ تپاسی دیوان بست ءُ بند کنگ بوت ایشیءِ اندر ءَ مزن وزیر ءَ نیکا ءِ کار کرد ءُ ایشی ءِ تہءَ استیں زبھری آنی ھوالگءَ نہ وشی ءِ درشا ن کت ملک ءَ آسراتی بے کساس زیان بوھگ ءَ انت۔ مزن وزیر ءَ پنت ءُ شون جاڑی کت کہ نیکا ءِ کلانہ آناں جوڑیشتی، صنعتی، رسانکی، پاور ءُکشت ءُ کشار ءِ شوبگ ءَ ھاٹیگ ء سرجمیں بچت ءِ واستہ وزارت آناں کار رھبند پجاری کنگ ءِ پنت ءُ شون کت۔ دیوان ءَ پیسریگیں مزن ویر شاہد خاقان عباسی، بنجاھی وزیر اسحاق ڈار، خرم دستگیر خان، مشیر مزن وزیر احد چیمہ، وزیر ءِ مملکت برائے پٹرولیم ڈاکٹر مصدق ملک، ھاسیں کمکار جہانزیب خان، سید فہد حسین ءُ سیادی داروکیں کارندہ آں بھر زوری کت۔
