اسلام آباد۔6فروری (اے پی پی): مزن وزیر محمد شہبازشریف ءَ ترکیہ ءَ زمین چنڈ ءِ نتیجگ ءَ گران بھائیں بنی آدمی جانی تاوان بار ءِ پد ءَ دلپدری ءِ درشا کنان ءَ گوشتگ کہ پاکستانی ڈاکٹر ، پیرا میڈکس ءُ ریسکیو کارندہ آنی یک ھاسیں ٹیمب ءِ ترکیہ ءَ جاڑیگیں ریسکیو ءُ کمکی کار آنی تہ ءَ دست کمک جاڑی انت۔ باز زوت یک بالی گراب ءِ ھمروچگیں وردن ءُ وراکی سامان ءُ درمان ءُ دارو زوران ءَترکیہ ءَ روادگ کنگ بیت۔ دو شمبے ءَ وتی ٹویٹ ءَ آئی ءَ گوشت کہ آئیءِ انوں ترکیہ ءِ صدر رجب طیب اردوان ءَ گوں ٹیلی فون ءِ سر ءَ تران بوتگ، من ترکیہ ءَ زمین چنڈ ءِ نتیجگ ءَ جانی ءُ مالی تاوان بار ءِپعد ءَ دلپدردی ءِ درشان ءَ کناں، من آئی ءَ را گوشت کہ پاکستان سکیں اے ساھت ءَ من وتی ترکیہ ءِ برات ءُ گہار آنی ھمک رنگیں کمک ءِ واستہ ھمکوپگ ءَ اوشتاتگ آں۔ آئی ءَ گوشت کہ پاکستانی ڈاکٹر ، پیرا میڈکس ءُ ریسکیو کارندہ آنی یک ھاسیں ٹیمب ءِ ترکیہ ءَجاڑیگیں ریسکیو ءُ کمک ءِکار آنی تہءَ دست کمک ءِ واستہ روان دیگ بوھگ ءَ انت باززوت یک بالی جہاز ءِ ھمروچگیں وردن ءُوراکی سامان ءُ درمان ءُ دارو آنی گوما ترکیہ ءَ روان دیگ بیت۔
