اسلام آباد۔6فروری (اے پی پی): مزن وزیر محمد شہباز شریف ءَ ترکیہ ءِ صدر رجب طیب اردوان ءَ را ٹیلی فون کتگ ءُ زمین چنڈ ءَ چہ بوھوکیں تباہی ءِ پد ءَ اپسوزی ءِ درشان کتگ۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگں بیان ءِ رد ءَ مزن وزیر ءَ ترکیہ ءِ صدر ءَ را ٹیلیفون ءِ سر ءَ تران کتگ ءُ اپسوزی ءِ درشان کتگ۔ آئی ءَ گوشتگ کہ اے سکیں ساھت ءَ پاکستان وتی برات ترکیہ ءُ ایشی ءِ الس آنیگوما انت۔ آئی ءَ گوشتگ کہ زمین ءِ تباہی ءَ گوں گر ءُ چیل بوھگ ءِ واستہ پاکستان ترکیہ ءِ حکومت ءُ الس آنیگوما گیشاں چہ گیش کمک کنت۔ مزن وزیر ءَگوشت کہ موسمی مٹ ءُ بدلی ءِ تباہی ءِ کچ ءُکساس گیش وھگ ءَ انت۔ آئی ءَ گوشت کہ بیران بوتگیں مردم آنی آکبت پہ ھیری، گس ءِ مردم آنی سگ ءُاوپار کشی ءُ ٹپیگ آناں زوت جان سلامتی ءِ واستہ دعا ءِ نیک کت۔ ترکیہ ِ صدر رجب طیب اردوان ءَ ٹیلی فون ءُ کمک کنگ ءِ پد ءَ مزن وزیر شہباز شریف ءِ شگر ءُ منت واری گران ءَ گوشت کہ آ مزن وزیر ءُ پاکستانی الس آنی جوزگ آناں شرپ ءِ نگاہءَچار ءَ چاراں۔
