وزیراعظم شہباز شریف نا ترکیہ ٹی ترند انگا زمی جمب آن نسخان تیا رنج وغم انا درشانی

اسلام آباد۔ 06 فروری (اے پی پی) وزیراعظم محمد شہباز شریف ترکیہ ٹی ترند انگا زمی جمب آن مروک آ نسخان تیا رنج و غم نا درشانی ءِ کرینے۔ دوشنبےنادے آ تینا ہڑزخواہی بیان اٹی وزیراعظم شہباز شریف ترکیہ نا حکومت و الس تون نہادی جان تا زیان آ ہڑزخواہی نا درشانی ءِ کرسا زہمی خاہوت آتون ہمدردی نا درشانی ءِ کرے، وزیراعظم زوال کروک آ بندغ آتا بخشش و ٹھپی مروک آتا زوت دراخ جوڑی کن دعا کرے۔ اوپارے کہ پاکستانی حکومت و الس مشکل نا داساہت اٹی ایلم ملک ترکیہ نا حکومت و الس تون تفوک ءُ۔ ترکیہ ہر مشکل اٹی مدام پاکستان تون تفینے۔ پاکستان تینا ایلم ملک ترکیہ نا الس و حکومت نا ہرممکن کمک ءِ کیک۔ وزیراعظم پارے کہ قدرتی آفت و موسمیاتی بدلی تیان بھسکاری نا ودوک آ واقعہ غاک مچ آ دنیا کن خطرہ نا گھنٹی اسے ءُ، دا انسانیت و کرہ ارض نا بقانا باندات ءِ۔ وزیراعظم شہباز شریف پارے کہ قدرتی آفت و موسمیاتی بدلی تیان بھسکاری اسہ ملک یا ڈیہہ اسکان محدود سلتنے۔