اسلام آباد۔ 06 فروری (اے پی پی) وزیراعظم محمد شہباز شریف شام اٹی زمی جمب آن مروک آ نسخان تیا رنج وغم نا درشانی ءِ کرینے۔ دوشنبےنادے آ تینا ہڑزخواہی بیان اٹی وزیراعظم شہباز شریف شام انا حکومت و الس تون قیمتی جون تا زیان آ ہڑزخواہی کرسا زہمی خاہوت آتون ہمدردی نا درشانی ءِ کرے۔ وزیراعظم زوال کروک آبندغ آتا بخشش و ٹھپی تا زوت دراخ جوڑی کن دعا کرے۔ اوپارے کہ پاکستانی حکومت و الس مشکل نا داساہت اٹی شام انا حکومت و الس تون تفوک ءُ۔ پاکستان شام انا نرزور الس وحکومت نا ہرممکن کمک ءِ کیک۔ وزیراعظم پارے کہ زمی جمب نا بھسکاری دنیا کن کلہو اسے کہ او موسمیاتی بدلی تا خطرہ نا مقابلہ کن یکجا مریر۔
