وزیراعظم شہباز شریف نا دہشت گردی نا ویل آ بٹنگوک آ اے پی سی 9 فروری آ اسلام آباد اٹی مریک، غٹ قومی و سیاسی سرکڑدہ غاتے بٹنگ انگانے، بنجائی وزیر حوالکاری وشینکاری مریم اورنگزیب

اسلام آباد۔ 06 فروری (اے پی پی) بنجائی وزیر حوالکاری وشینکاری مریم اورنگزیب پارینے کہ وزیراعظم محمد شہباز شریف نا دہشت گردی نا ویل آ بٹنگوک آ اے پی سی 7 انا جاگہ غا 9 فروری (پنچ شنبےنادے ) آ اسلام آباد اٹی اڈ ہلیک ہراٹی ملک انا غٹ قومی و سیاسی سرکڑدہ غاتے بٹنگ انگانے۔ دوشنبےنادے آ تینا ٹویٹ اٹی مریم اورنگزیب پارے کہ دہشت گردی و مون تروک چیلنج آتا مقابلہ ءِ کننگ کن اسیجائی حکمت عملی اس مرتب کننگک و نیشنل ایکشن پلان آ نظرثانی مریک۔