اسلام آباد۔ 06 فروری (اے پی پی) چیئرمین سینیٹ محمد صادق سنجرانی ترکیہ و شام اٹی زمی جمب نا نتیجہ ٹی مروک آجونی و مالی نسخان تیا ڈکھیائی و است ہسونی نا درشانی ءِ کرینے۔ دوشنبےنادے آ سینیٹ سیکرٹریٹ آن جاری بیان نا رداٹ چیئرمین سینیٹ محمد صادق سنجرانی پارے کہ مصیبت نا داساہت اٹی پاکستانی حکومت و الس تینا ترک و شامی ایلم تتون تفوک ءُ۔ چیئرمین سینیٹ محمد صادق سنجرانی نا دا ناگہانی آفت آتیٹی زوال کروک آ بندغ آتا درجہ غاتا بڑزی کن دعا کرے۔ چیئرمین سینیٹ ٹھپی مروک آتا زوت دراخ جوڑی کن دعا ہم کرے۔ اوپارے کہ ترکیہ و شام انا نرزور الس تینا روایتی عزم و سگ اٹ داسانحہ نامقابلہ ءِ کیرہ۔ ترکیہ ہر مشکل اٹی مدام پاکستان تون تفینے۔ اوپارے کہ پاکستانی قوم انا دعاک نرزور ترک و شامی الس و حکومت تون ءُ۔

متعلقہ مضامینمصنف کی طرف سے مزید