اسلام آباد۔ 06 فروری (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ترکیہ ٹی است ہسون زمی جمب اٹی مروک آ جونی و مالی نسخان تیا ڈکھیائی و است ہسونی نا درشانی ءِ کرینو۔ دوشنبےنادے آقومی اسمبلی سیکرٹریٹ آن جاری بیان نا رداٹ اسپیکر و ڈپٹی اسپیکر ترکیہ نا حکومت و الس تون قیمتی جون تا زیان آ ہڑزخواہی نا درشانی ءِ کرینو۔ اسپیکر و ڈپٹی اسپیکر زمی خاہوت آتون دلی ہمدردی نا درشانی ءِ کرینو۔ اوفک پاریر کہ پاکستان نا پارلیمان و الس ڈکھیائی نا داساہت اٹی ترکیہ نا حکومت و الس نا غم اٹی بریبر نا شریک ءُ۔ اسپیکر و ڈپٹی اسپیکر نا پاکستان نا کنڈان ریلیف و بحالی نا سرجزآتیٹی ہرممکن کمکاری نا باوری کرفینے۔ اسپیکر و ڈپٹی اسپیکر نا اللہ تعالیٰ آن شہید آتا درجہ غاتا بڑزی و ٹھپی تا زوت دراخ جوڑی کن دعا کرے۔
