اسلام آباد۔ 06 فروری (اے پی پی) پاکستان ترکیہ ٹی زمی جمب آن مروک آ جانی نسخان تیا ہڑزخواہی نا درشانی ءِ کرینے۔ دفترخارجہ نا ترجمان نا کنڈان دوشنبےنادے آجاری بیان اٹی پاننگانے کہ پاکستان نا حکومت و الس ءِ دا ڑا بھاز ڈکھیائی مسنے کہ سویلی ترکیہ نا گڑاس بشخ آتیٹی ترند انگا زمی جمب اٹی قیمتی جون و ملکیت آتے بھلو کچ اسے آ نسخان رسینگانے۔ بیان اٹی پاننگانے کہ پاکستانی الس ڈکھیائی نا دامشکل ساہت اٹی تینا ترک ایلم تتون پورو یکجہتی اتون سلوک ءِ۔ بیان اٹی پدسلوک خاہوت آتون ہڑزخواہی نا درشانی ءِ کرسا ٹھپی تا زوت دراخ جوڑی کن دعا کننگانے۔ بیان اٹی مستی پاننگانے کہ پاکستان کمکی سرجزآتیٹی ہرممکن کمکاری کن تیارءِ، ترجمان دا یخین نا ہم درشانی ءِ کرے کہ ترک قوم دا قدرتی آفت نا خاص ہمت و عزم اتون مون ءِ تورک۔
