اسلام آباد۔5فروری (اے پی پی): مزن وزیر محمد شہباز شریف ءَ گوشت کہ مرچی سرجمیں پاکستان کشمیری برات ءُ گہار آنی گوما یکوئی ءُ کمک ءِ درشان کنگ ءِ واستہ یکجا بوتگ انت۔ یک شمبے ءِ روچ ءَ یوم ءِ یکوئی کشمیر ءِ موہ ءَ مزن وزیر ءَ یک ٹویٹے ءَ گوشت کہ مقبوضہ جموں ءُ کشمیر ءِ الس یونائیٹڈ نیشن ءِ منظور کتگیں وت واجئی ھک ءَ ہندوستان ءِ ظالمیں نظام ءَ گوں مقابلہ ءَ کنگ انت۔ آئی ءَ گوشت کہ مقبوضہ جموں کشمیر ءِ الس بھارت ءِ گیر کانودی کبزہ ءَ چہ آزاتی ءِ وتی واب ءَ را سرجم کنگ ءِ واستہ بے کساس جہد ءُ کوشست کنگ ءَ انت۔ مزن وزیر ءَ گوشت کہ کشمیری آں وتی قربانی آں گوں آزاتی ءِ چراگ ءَ روژنا کتگ، منی یکیم انت کہ آوانی واھگ زوت پیلو بنت۔
