اسلام آباد۔ 04 فروری (اے پی پی) بنجائی وزیر مواصلات و پوسٹل سروسز مولانا اسد محمود پارینے کہ پاکستان غیرکانودی بھارتی مقبوضہ کشمیر نا الس تون تفوک ءِ۔ یوم یکجہتی نا بابت ہفتہ نادے آ جاری تینا اسہ بیان اسے ٹی بنجائی وزیر پارے کہ مچ آ پاکستانی قوم تینا کشمیری ایڑھ و ایلم تتون تفوک ءُ۔ اوپارے کہ کشمیری الس نا قربانیک زیان مفسہ و بھاز زوت کشمیر آن بھارت نا غیرکانودی کوزہ چٹک و کشمیری الس ءِ غلامی آن نجات ملک۔ اوجہانی برادری آ ہم زور شاغا کہ اقوام متحدہ نا قرارداد آتا رداٹ کشمیری تا حق خودارادیت نا قول آ عملدرآمد کن بھارت آ زور شاغے۔ اومستی پارے کہ انسانی حق انا تنظیمک و جہانی ادارہ غاک ڈیہہ ٹی بھارتی سامراجیت نا برخلاف توار بڑز کیر۔
