اسلام آباد۔ 04 فروری (اے پی پی) وزیر حوالکاری و شینکاری مریم اورنگزیب پارینے کہ یوم یکجہتی کشمیر نا دے ءِ پگہ پورو قومی عزم و جوزہ اٹ اڈ ایتنہ و وزیراعظم شہباز شریف پگہ آزاد جموں وکشمیر کانود ساز اسمبلی نا دیوان آن تران کیک۔ ہفتہ نادے آ جاری تینا اسہ بیان اسے ٹی مریم اورنگزیب پارے کہ وزیراعظم شہباز شریف پاکستان نا حکومت و الس نا کنڈان آزاد و مقبوضہ جموں وکشمیر اٹی رہینگوک آ نرزور ، غیرتی و آجوئی نا متوالہ الس تون یکجہتی نا درشانی ءِ کیرہ۔ اوپارے کہ وزیراعظم شہباز شریف جموں وکشمیر نا جھیڑہ غا ریاست پاکستان نا موقف و کشمیری تا مخ تفی نا عزم انا درشانی ءِ کیک۔ وزیر حوالکاری پارے کہ شہباز شریف نا پارت آ یوم یکجہتی کشمیر ءِ مچ آ ملک اٹی پبی جوزہ اٹ اڈتننگ انگ ءِ۔ مریم اورنگزیب پارے کہ یوم یکجہتی کشمیر نا چرجوئی ٹی چندی دود اڈ ہلیک، تعلیمی ادارہ غاتیٹی یوم یکجہتی کشمیر نا چرجوئی ٹی سرجزآتے ہم ترتیب تننگانے و الیکٹرانک، پرنٹ و سوشل میڈیا غا خصوصی پروگرام نشر کننگک۔
