اسلام آباد۔ 04 فروری (اے پی پی) بنجائی وزیر خزانہ و محصولات سینیٹر اسحاق ڈار نا کماشی ٹی پاکستان ڈویلپمنٹ فنڈ (پی ڈی ایف) و حکومتی ادارہ (ایس اوایز) نا بابت وزارت خزانہ ٹی دیوان اس اڈ ہلک۔ ہفتہ نادے آ وزارت خزانہ نا کنڈان جاری اعلامیہ نا رداٹ دیوان اٹی وزیراعظم نا خصوصی کمکار فنانس طارق باجوہ، ایس ای سی پی نا چیئرمین عاکف سعید و وزارت خزانہ نا بڑزکو کمامدارآک ساڑی ئسر۔ داوخت آ پاکستان ڈویلپمنٹ فنڈ انا کڑد و سرکاری ادارہ غاتا کارکڑد نا سرجمی اٹ جاچ ءِ ہلنگا و سرکاری ادارہ غاتیٹی گورننس نا گچینی نا حکمت عملی آ گپ وتران کننگا۔ دیوان اٹی ملک اٹی انفراسٹرکچر نا شونداری نا بابت پی ڈی ایف نا ری سٹرکچرنگ نا ہم جاچ ءِ ہلنگا۔ وزیر خزانہ اسحاق ڈار پی ڈی ایف نا کڑد انا اول سرآن تعین و ایس اوایز اٹی بزنس پلان، گورننس نا حالیت و مالیاتی کارکڑد اٹی گچینی نا گرج آ زور شاغا تانکہ السی میرات آتے رکھ کننگ تون اوار اوار سرکاری بشخ انا کاروباری ادارہ غاتیٹی احتساب نا نظریہ ءِ ہم مون آ دننگ مرے۔

متعلقہ مضامینمصنف کی طرف سے مزید