اسلام آباد۔ 03 فروری (اے پی پی) وزیراعظم محمد شہباز شریف پارینے کہ ’کے تھری‘ نا اوار مننگ آن ایٹمی بجلی گھر آن بجلی نا پیدوار 3600 میگاواٹ اسکان سرمسنے، ہندی ذریعہ غان بجلی نا پیدوار آن ایندھن نا درآمد، ٹیرف اٹی کمتی و لس بندغ ءِ ریلیف فراوان کننگ اٹ کمک رسینگک۔ جمعہ نادے آ تینا ٹویٹ اٹی اوپارے کہ او تدوک آ دے پاکستان نا ہفت می ایٹمی بجلی گھر و کراچی ٹی جوڑ کروک آ مسٹ میکو ایٹمی بجلی گھر نا بناءِ کرے۔ کے تھری نا اوار مننگ آن ایٹمی بجلی ودی کننگ نا کل لائخی 3600 میگاواٹ اسکان سرمسنے۔ کے تھری ڈٹ آن جم وڑاٹ 1100 میگاواٹ بجلی نیشنل گریڈ اٹی اوار مسنے۔ اوپارے کہ حکومت بجلی ودی کننگ نا ہندی ذریعہ کون آ پن بجلی ، کولا و شمسی توانائی نا شونداری آ چکار کرسا توانائی نا ذریعہ غاتے گیشتر کننگ کن کاریم کننگ اٹیءِ۔ اوپارے کہ ہندی وڑاٹ ودی مروک آ بجلی آن ایندھن نا درآمد ءِ کم کننگ، ٹیرف ءِ کم کننگ و داوڑلس بندغ ءِ ریلیف فراوان کننگ اٹ کمک رسینگک۔
