پشاور۔ 03 فروری (اے پی پی) وزیراعظم محمد شہباز شریف 30 جنوری آ پولیس لائن نا مسیت اٹی مروک آ خود کش جلہو نا شہید آتا وارث آتیکن 20 لکھ روپئی و ٹھپی تیکن 5 لکھ روپئی نا پڑو کرینے۔ جمعہ نادے آ داڑے گورنر ہاؤس اٹی ایپکس کمیٹی نا دیوان آن تران کرسا وزیراعظم پارے کہ معاوضہ نا زر دا غم و ڈکھیائی نا مداوا اف ہراڑان زہمی تا خاہوت گدرینگ انگ ءِ بلکن دا بنجائی حکومت نا کنڈان پدسلوک خاہوت و ٹھپی تا مالی مشکل آتے کم کننگ نا کوشست آتا بشخ اسے۔ وزیراعظم پارے کہ مچ آ قوم بشمول سول وملٹری آرمڈ فورسز، سول سوسائٹی، الس و سرکاری آفیسر آک دہشت گردی نا برخلاف جنگ اٹی عظیم قربانی تسنو۔