لاہور ہائی کورٹ ، پنجاب نا نگران وزیراعلیٰ نا تعیناتی نا برخلاف دائر درخواست  سماعت کن منظور، فریق آتے نوٹس جاری

لاہور۔ 03 فروری (اے پی پی) لاہور ہائی کورٹ پنجاب نا نگران وزیراعلیٰ نا تعیناتی نا برخلاف دائر درخواست ءِ سماعت کن منظور کرسا فریق آتے نوٹس جاری کرسا ورندی بٹنگا۔ جسٹس شاہد کریم عوامی مسلم لیگ نا سروک و مسکوہی بنجائی وزیر داخلہ شیخ رشید احمد نا درخواست آ بنائی سماعت کرے۔ عدالت نا روبرو شیخ رشید اظہر صدیق ایڈووکیٹ نا وساطت اٹ دائر درخواست اٹی پنجاب نا مسکوہی وزیراعلیٰ چوہدری پرویز الٰہی ، حمزہ شہباز، صوبائی پارلیمانی کمیٹی، بنجائی حکومت، صدر پاکستان ، الیکشن کمیشن تون اوار گورنر پنجاب و نگران وزیراعلیٰ ءِ فریق کرینے۔