پاکستان یاسین ملک ءَ ھوار جیل ءَ بندیں حریت سروک آنی یلوئی ءُ مقبوضہ کشمیر ءَ بنی آدمی ھک آنی لگت مال کنگ ءِ ھلاپ ءَ میاں اوستمانی آمید گس ءَ گوں نزیکی بکنت، یو این ءَ کشاں چیل ءُ آباتی ءَ را مٹ کنگ ءِ نوکیں ھوالگ ءَ نوکیں منوگری، کشمیر انوائے نامینگ بہ بیت، مشعال ملک

اسلام آباد۔3فروری  (اے پی پی):بھارتی جیل  ءَ بندیں کشمیری حریت  سروک یاسین  ملک ءِ  لوگ بانک مشعال  حسین  ملکءَ لوٹ کتگ کہ حکومت ءِپاکستان  یاسین ملک ءَ ھوار جیل ءَ بندیں حریت  سروک آنی  یلوئی ءُ مقبوضہ کشمیر ءَ  بنی  آدمی ھک  آنی  لگت مالی  ءِ پد ءَ  میاں اوستمانی  آمید  گس  ءَ گوں نزیکی  بکن ات،  یونائیٹڈ  نیشن  ءِ  سلامتی کونسل  ءَ مقبوضہ  کشمیر ءِ  کشاں  چیل   ءَ   چہ   ھلاس ءُ  آباتی ءِ تہ ءَ   تبدیلی  ءِ  پد ءَ نوکیں  منوگری  ءُ کشمیر  انوائے    نامینگ  بہ بیت،  دگنیا ءَایمنیں کشمیر ءِ  ایمنی ءَ گوں گیواری ءِ گوما  بندوک  انت، ہندوستان ءِ  توک  ءَ سول  وار   پیداک  انت،  گیشیں سرمایہ کاری  ھم ھمے سول  وار ءِ   ندر  بنت۔ 

آ  آدینگ ءِ  روچ ءَ وزارت ءِ اھوالکاری  ءُ شنگ کاری ءِ جھلی ادارگ   ڈائریکٹوریٹ  آف الیکٹرانک  میڈیا  اینڈ    پبلیکیشنز (ڈی ای ایم پی) ءِ  بندو  بستگیں یوم یکوئی کشمیر  ءِ ھوالگ ءَ  انفارمیشن  سروسز اکیڈمی  ءَ برجم   بوھوکیں  یک روچی ڈیجیٹل  فوٹو گرافک  اینڈ    پینٹنگ  نمائش  ءِ   بنگیجی  مراگش ءَ گوں  گشتانک  کنگ ءَ  اَت۔  ایگزیکٹو ڈائریکٹر  جنرل  ڈائریکٹوریٹ  آف الیکٹرانک  میڈیا  اینڈ    پبلیکیشنز  طارق محمود ، اے پی ایچ سی  ءِ سروک  عبدالحمید لون ، ڈائریکٹر فلم آصف الرحمان ، ڈپٹی ڈائریکٹر فلم اینڈ ایگزبیشن  فارینہ مغل  ءَ ھوار  وزارت  ءِ اھوالکاری  ءُ شنگ کاری ءِ  کارندہ  مراگش ءَ   ھوار اتنت۔ 

   ایگزیکٹو ڈائریکٹر جنرل ڈی ای ایم پی  طارق محمود ءَ نماش  ءِ ھوالگ ءَ شریکیں  مردم آناں گوشت کہ   ڈائریکٹوریٹ آف الیکٹرانک میڈیا اینڈ پبلیکیشنز   ءَ  وانگ جاہ آنی نودربر آنی نیمگ ءَ تیار کتگیں آزاتی تحریک  ءِ  ھوالگ ءَ     پینٹگز  مقابلہ آنی تہ ءَ  گوانیں  ازمکاری  ءَ را   مرچی  نماش ءَ ایر  کنگ بوتگ وھدیکہ   ڈائریکٹوریٹ آف الیکٹرانک میڈیا اینڈ پبلیکیشنز   ءِ  نیمگ ءَ تیار کتگیں    "کشمیر بلیک آئوٹ” ءُ "سٹوری آف کشمیر ”  مسلی  تامر  ءُ  یوم  یکجہتی کشمیر ءِ ھوالگ ءَ    "کشمیر میگ انت”  ءِ بن گپ  ءَ چہ  بنگیج  کنگ بوتگ،  اے ھم ھمے نماش  ءِ  بھر انت۔  آئی ءَ گوشت کہ مشعال  حسین  ملک ءَ گوشتگ کہ مرچی  اے نماش ءَ  تحریک  آجوئی  ءَ را گہتریں رپک ءَ گوں سہرا  کنگ  بوتگ۔  اکس  دگنیا ءِ  راستیں  گواچن ءَ را سہرا  کن انت۔ 

آئی ءَ گوشتگ کہ   مقبوضہ  جموں  کشمیر ءَ  قیامت  ءِ   ندارگ  انت۔   ما را وتی  نوکیں باھند  گوشگی انت کہ ہندوستان  75 سال آں چہ  کشمیر  ءِ سر ءَ  ظلم  کتگ،  مقبوضہ  کشمیر ءَ سرجمیں  بلیک  آوٹ   انت   اچ کسے نیست  کہ  ہندوستان  ءَر ا  ناشرکاری ءَ چہ  بدار ائیت۔  آئی ءَ گوشت کہ  یونائیٹڈ  نیشن   ءَ گوں  لوٹ  انت کہ یوکرائن  ءَ ھوار  ٹوھیں  کشاں  چیل  آنی سر ءَ نوٹس   زوراں  ءُ  رپوٹ    آنی  پد ءَایکشن   بیت  بلے  چے سبب  انت کہ  ہندوستان  ءِ ریاستی  ناشرکاری   گندگ  پیداک  انت ۔  آئی ءَ گو شت  کہ   مقبوضہ  کشمیر ء حریت  سروک     پابند  انت۔  حریت  سروک علی گیلانی ءِ میت  ءِ    بے حرمتی  کنگ بوتگ،  ارشد  سراہی   ءَ را جیل  ءِ   اندر ءَ  زہر  داتگ۔  آسیہ  ندرابی جیل ءَ  بیمار انت۔  شبیر شاہ ءِ   گس ءِمردم دھکہ آنی تہءَانت۔  یاسین  ملک ءَ را   یک قبرے  ءِ  توک ءَ  کنگ بوتگ  گوستگیں چال سال  آں چہ  آئی ءَ را ڈیڈ  سیل  ءَ   کتگ۔  آئی ءَ  گوشت کہ یاسین   ملک ءَ را  وضو  ءِ  واستہ    لھڈیں  آپ  داتگ  ایشی ءِ سبب ءَ آئی   راستیں  دست  ستکگ  ءُ ابُلا  بوتگ۔  آئیءَ گوشتگ  کہ  ہندوستان   ھرچی دھمکی  دیگ ءَ انت  ایشی ءِ  بنیات ءَ مقبوضہ  کشمیر  انت۔  آئی  ءَ گوشت کہ ہندوستان   ھمے  انداز  ءِ  گوما  مقبوضہ  کشمیر ءِ  جغرافیہ  ءَ را مٹ  کتگ ،  اگاں دلگوش  دیگ نہ بوت  گڈا  یک سالے  ءِ اندر ءَ   کشمیر  منی  ہندوستان  جوڑ  بیت۔  آءی ءَ گوشت کہ مقبوضہ  کشمیر ءَ بنی آدمی  ھک آنی  لگت  مالی   بوھگ ءَ انت۔  ائی ءَ گوشت کہ  ہندوستان ءِ ناشرکاریں آرمی  ءِ گوما  ار ایس ایس   ءَ را دگنیا ءَ  ناشرکاریں  گل ءِ  بستار ءَ رجسٹرڈ  کنگ بوھگ ءَ انت۔ 

مشعال  حسین  ملک   ءَ  گوشت کہ ہندوستان ءِ توک ءَ   درئی نیک  راھ آں گوں  سیادی  داروکیں مردم آنی  گوما  ظلم بوھگ ءَ انت۔  گجرات   ءَ  گوں سیادی  داروکیں   بی بی سی ءِ یک  رپوٹے  ھم  دیم  اتکگ۔  نہ زاناں کہ  کدئی اے رپوٹانی سر ءَ  عمل  بیت۔   آئی  ء گوشت کہ مقبوضۃ  کشمیر ءِ  اندر ءَ کیمرہ مین ،  ریسرچ  ،  بنی آدمی  ھک  آنی  گوانک  ءَ را  برز ءُ بلند  کنوک   ءُ میڈیا  گس  آنی   سر ءَ  بندش  انت۔  اے  بندش  دگنیا   ءَ را  چیا گندگ ءَ  نیائگ ءَ ازنت۔   آئیءَ گوشت کہ  22 کروڑ    پاکستانی  آنی گوانک  کشمیر ءِ گوما   انت  ایشی ءِ گوما  سرجمیں سیاسی  پارٹی  ءُ توامیں  تبک ءَ  را گوشاں کہ  اے جہاد  یک شل انت۔  ما را دمبرگی نہ انت،   اے فرض  مارا  گوں ایمانداری  ءِ گوما پیلو کنگی انت۔

 اے پی ایچ سی ءِ سروکی  عبدالحمید لون ءَ گوشت کہ  حکومت ءِ  پاکستان  ءُ وزارت  ءِ اھوالکاری  ءِ  شگر ءُ منت  وار  آں   ایش ہندوستان  ءِ  راستیں   لکار ءَ را  سہرا   کنت انت۔ پاکستانی کشمیر آنی  بے دروریں  سیادی ءُ   ھمساھگی ءِ  پجار انت۔  آئی  ءَ گوشت کہ یوم  یکوئی  کشمیر   بازیں سال ءَ چہ  ھمے جوش ءُ جوزگ ءِ گوما  برجم  دارگ  بیت۔   آئی  ءَ گوشت کہ   مقبوضہ  کشمیر  ءِ  مردم  مرچی  یک  کرب  ءُ   تکلیف ءَ انت۔  بلیک  آوٹ    ءَ  چہ پد  ہندوستان  مئے جغرافیہ  ءِ سر ءَ   ارش  ایگ  بوتگ۔   آئی  ءَ گوشت کہ  کشمیر  ءِ  جیڈھ ءَ را  میاں اوستمانی  تک ءَ یک   کشاں چیل  ءِ   بستار   است انت۔   اے  رد ءَ  چتور  مقبوضہ  کشمیر ءِ  جیڈھ  ءِ  بستار ءَ را مٹ   کت کنت؟