اسلام آباد۔2فروری (اے پی پی):صدر مملکت ڈاکٹر عارف علوی ءَ سوراب بلوچستان ءَ این ایچ اے ءَ چہ آماچیں مردمانی زر آناں 4 سال متھل دارگ ءِ ھلاپ ءَ انکوائری کنگ ءِ حکم دیان ءَ بنجاھی محتسب ءِ پیسلہ ءِ ھلاپ ءَ نیشنل ہائی وے اتھارٹی ءِ اپیل ءَ را رد کتگ۔ پنچ شمبے ءِ روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر مملکت ءَ بلوچستان ءِ زمین ءِ در جنگ ءِ واستہ 23 آماچیں مردم آناں چار سال ءَ تاں زر نہ دیگ ءِ پد ءَ نہ وشی ءَ دلرنجی ءِ درشان کتگ۔ آئی ءَ زر آناں متھل داروکیں اپسرگ /کارندہ آنی ھلاپ ءَ انکوائری کنگ ءِ حکم جاڑی کنان ءَ گوشتگ کہ نیشنل ہائی وے اتھارٹی حکم ءِ سر بوھگ ءِ 30 روچ آنی اندر ءَ پد ءُ رندی رپوٹ پیش بکنت۔ آئی ءَ گوشت کہ ایشی ءَ چہ ساپ سہرا انت کہ اے ردئیگ نیشنل ہائی وے اتھارٹی ائیگ انت۔ صدر مملکت ءَ نیشنل ہائی وے اتھارٹی ءِ دزبندی ءَ را “سرجمیں رنگ ءَ رد” نامینان ءَ رد کت۔
