کراچی۔2فروری (اے پی پی):مزن وزیر محمد شہباز شریف کراچی ءِ تر ءُ تاب ءِ ساھت ءَ بنجاھی وزیر برائے گریبی ءِ رکھینوک ءُ چیئر پرسن انکم سپورٹ پروگرام شازیہ مری ءِ گس ءَ شت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شازیہ مری ءَ را آئی ءِ جنک ءِ سور ءُ سانگ ءِ پد ءَ مزن وزیر ءَ دلی مبارک بات داتگ۔ آوانی نوکیں زندمان ءِ واستہ نیکیں واھشت ءِ درشان کتگ۔ مزن وزیر ءَ دعا ءُ نیک کت آ وتی ءُ وتی ھاندان ءِ واستہ نیک ءُ ھیر ءُ نیک بھت باتاں۔ اے موہ ءِ سر ءَ بنجاھی وزیر ھاٹیگ انجینئر خرم دستگیر ءُ سر وزیر سندھ سید مراد علی شاہ ھم ساڑی ات۔
