دہشت گردی نا ریسہ دُوارہ کاٹم ہرفینے، دہشت گردی اسہ علاقہ سے نا ویل اف، انجینئر امیر مقام

اسلام آباد۔ 02 فروری (اے پی پی) وزیراعظم نا سلاہکار سیاسی و السی امور انجینئر امیر مقام پارینے کہ دہشت گردی نا ریسہ دُوارہ کاٹم ہرفینے،دہشت گردی اسہ علاقہ سے نا ویل اف۔ میڈیا تون گپ وتران کرسا اوپارے کہ داوخت آ مچ آ قوم ءِ سنجیدگی نا درشانی ءِ کروئی مریک۔ گڑاس بندغ دہشت گردی آ ہم سیاست کننگ اٹی ءُ۔ نن تینا ہی اہم قومی ادارہ غاتے بایدے تنقید نا نشانہ کپن۔ پشاور واقعہ غان پد وزیراعظم شہباز شریف دمدستی پشاور آ بس، پگہ ولدا وزیراعظم پشاور آ بننگ ءِ۔ ننے اواری اٹ دہشت گردی نا مقابلہ ءِ کروئی مریک۔ دہشت گردی ننا غٹ انا ویل ءِ۔