اسلام آباد۔ 01 فروری (اے پی پی) وزیراعظم شہباز شریف میانوالی نا تھانہ مکڑوال آ دہشت گرد آتا جلہو ءِ بے سہب کننگ آ پنجاب پولیس ءِ شاباشی ترسا بھلو بہادری اسے نا درشانی ءِ کروک آ پولیس آفیسر و کارندہ غاتے انعام و سفتی سند تننگ نا پڑو کرینے۔ چارشنبےنادے آ وزیراعظم آفس نا میڈیا سیل آن جاری بیان اٹی وزیراعظم پارے کہ دہشت گرد آتے خلوک و نرفوک آ پنجاب پولیس نا آفیسر و ورناتے خراج تحسین پیش کیوہ، پولیس دہشت گردی و ڈوہ انا چٹفنگ اٹ ننا گمر نا قابل ہر اول دستہ ءِ۔ دہشت گرد آتا برخلاف مچ آ قوم و ادارہ غاک متحد و یک توار ءُ۔ وزیراعظم پارے کہ دہشت گردی تور اٹی پنجاب پولیس و سی ٹی ڈی نا کڑد و جوزہ غا مچ آ قوم ءِ گمر ءِ۔ پولیس و سی ٹی ڈی ءِ پین سوگو و پوسکن آ سلہہ غاتیان شپ کینہ۔ مچ آ قوم دہشت گردی نا چٹفنگ کن تینا بہادر فورس آتون ءِ
