اسلام آباد۔ 01 فروری (اے پی پی) بنجائی وزیر حوالکاری و شینکاری مریم اورنگزیب تھانہ مکڑوال میانوالی ٹی دہشت گرد جلہو ءِ بے سہب کننگ آ پنجاب پولیس ءِ خراج تحسین پیش کرسا پارینے کہ دہشت گردآتا چٹفنگ کن پنجاب پولیس و سی ٹی ڈی نا جوزہ و کارکڑد ستاکڑزک۔ چارشنبےنادے آ تینا بیان اٹی بنجائی وزیر مریم اورنگزیب پارے کہ مسکوہی وزیراعظم نواز شریف و وزیراعلیٰ شہباز شریف دہشت گردی نا چٹفنگ کن پنجاب پولیس و سی ٹی ڈی ءِ پوسکن آ سلہہ و تربیت اٹ گچین ءُ فورس اس جوڑ کرے۔ دہشت گردی نا چٹفنگ کن پولیس و سی ٹی ڈی ءِ پوسکن آ سلہہ، ٹیکنالوجی و تربیت آن پین سوگو کننگ وخت انا گرج ءِ۔ اوپارے کہ قوم تینا فورس آتیا گمر کیک، دہشت گردی نا برخلاف آفیسر و ورناتا جوزہ ءِ سلام پیش کینہ۔
