اسلام آباد۔ 01 فروری (اے پی پی) بے گوا بندغ انکوائری کمشین پیش رفت رپورٹ ءِ سپریم کورٹ اٹی جمع کرفینے۔ عدالت عظمیٰ ٹی جمع کرفوک آ رپورٹ اٹی 31 جنوری 2023 اسکان نا دائر و سرتروک مقدمہ غاتا سرجم آک اوار ءُ۔ رپورٹ اٹی مستی پاننگانے کہ تدوک آ تُو اٹی بے گوا بندغ آتا بابت 91 مقدمہ دائر مس و 31 جنوری 2023ء اسکان جم وڑاٹ 9 ہزار 294 مقدمہ دائر مس۔ ہرافتیان جم وڑاٹ 7 ہزار 31 مقدمہ غاتے سرتننگانے۔ داوخت آ بےگوا بندغ کمیشن تون اِرا ہزار 256 مقدمہ زیرالتواءُ۔ یات سلے کہ تدوک آ اسہ تُو اٹی 37 مقدمہ غاتے سرتننگانے وکت اس کہ جنوری 2023ء ٹی 27 بے گوا بندغ آتے ٹریس کننگانے۔ ہندا وڑ تدوک آ اسہ تُواٹی 24 بے گوا بندغ آتے بازیاب ہم کرفنگا۔ رپورٹ نا رداٹ مسہ بندغ جتا مقدمہ غاتا سوب آن زندان تیٹی بند ءُ، 10 مقدمہ بے گوا بندغ آتا بابت مفننگ نا بنداو آ سرتننگا۔ جنوری 2023ء ٹی ککل مقدمہ غاتیان بیرہ 77 مقدمہ بلوچستان نا بابت ءُ۔ یات سلے کہ سپریم کورٹ اٹی جمع کرفوک آ پیش رفت رپورٹ اٹی مارچ 2011 ء آن جنوری 2023ء اسکان نا حساب وکتاب تننگانے۔
