جنیوا۔ 01 فروری (اے پی پی) اقوام متحدہ نا ہائی کمیشن باہوٹ (یواین ایچ سی آر) 41 جہانی و قومی شریدارآتون اواری اٹ سوڈان اٹی رہینگوک آ باہوٹ آتیکن 556 ملین ڈالر نا امداد نا خواست کرینے۔ چینی خبررساں ادارہ نا رداٹ یواین ایچ سی آر پارے کہ دانا ہندا سال انا انٹرایجنسی فنڈنگ خواست نا مسخت سوڈان اٹی 9 لکھ آن زیات باہوٹ آتے بھاز المی امداد فراوان کننگ کن زر یکجا کننگ ءِ۔ سوڈان اٹی یواین ایچ سی آر نا نمائندہ ایکسل بسشوپ پارے کہ باہوٹ آتا ردعمل نا ڈٹ غٹ شریدار آتون اواری اٹ تیار کننگانے، جہانی برادری نا است بڈی ءِ کینہ کہ او سوڈان کن پوسکن بناکروک آ پناہ گزین تا ردعمل نا ڈٹ انا مخ تفی ءِ کے۔ یات سلے کہ سوڈان افریقہ نا ارٹ میکو بھلا پناہ گزین ملک ءِ۔
