اسلام آباد۔31جنوری (اے پی پی): مزن وزیر محمد شہباز شریف ءَ پاکستان کرکٹ بورڈ ءِ ادارُکی منیجمنٹ کمیٹی ءِ چیئرمین نجم سیٹھی ءِ کوشست آناں ساڑاھان ءَ ملک ءِ کرکٹ ءِ دیمروئی ءِ واستہ ترندیں ازمت ءُ کوشست آنی گوما کار کنگ ءِ پنت ءُ شون کت۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ پاکستان کرکٹ بورڈ پی سی بی ءِ ادارُکی منیجمنٹ کمیٹی ءِ چیئرمین نجم سیٹھی ءَ گوں گند ءُ نند کت۔ نجم سیٹھی ءَ مزن وزیر ءَ را پاکستان ءَ (Departmental)کرکٹ ءِ برجائی ءُ فروری ءَ بندات بوھوکیں پی ایس ایل ایڈیشن 8 ءِ کامیاتیں برجائی ءِ واتہ گامگیج آنی ھوالگ ءَ سرجمیں رنگ ءَ سرپد کت۔ مزن وزیر ءَ ملک ءَ کرکٹ ءِ دیمروئی ءِ واستہ نجم سیٹھی ءِ کوشست آناں ساڑات۔ ءُ اے رد ءَ جوانی ءَ گوں کار آناں برجا دارگ ءِ پنت ءُ شون کت۔
