روس ءَ  گوں جیڈھ آنی  منوگری ءَ چہ پد سستائیں ٹیل پاکستان ءَ را  رسیت،  گرین لائن  ءَ چہ ریلوے   ءِ ریونیو ءِ تہ ءَ گیشی  بیت، خواجہ  سعد رفیق

لاہور۔31جنوری  (اے پی پی): بنجاھی  وزیر  ریلوے خواجہ سعد  رفیق   ءَ  گوشتگ کہ پی ڈی  ایم  حکومت  گوستگیں حکومت  آی  گند  ءَ را   ساپ  کنگ ءَ انت،  روس ءَچہ  جیڈھ  آنی  منوگری ءَ چہ پد امیت  کناں کہ سستائیں  ٹیل پاکستان ءَ را  رسیت  ایشی ءَ چہ  ٹیل ءِ  نیاد آنی  تہ  ءَ کمی   بوت  کنت، گرین  لائن  ءِ  چلگ ءَ چہ ریلوے ءِ  ریونیو ءِتہءَ گیشی  بیت۔ اے ھیالانی درشانی  آئی ءَ  سئے  شمبے ءِ  روچ ءَ  ریلوے  ھیڈ کوارٹر  ءَ پریس کانفرنس   ءَ  گوں گشتانک  دیان  ءَ  کت۔  بنجاھی   وزیر  ریلوے ءَ  گوشت کہ  پاکستان  ریلوے  اے  وھد ءَ  مالی ڈکالی ءِآماچ  انت   ءُ  استیں ٹیل  آنی   قیمت  آنی تہ ءَ گیشی  ءَ چہ ریلوے  ءَ را گیش   دکہ لگ اتگ۔  ما  7  ءَ  بگر  8 درسد کرایہ آنی  تہ ءَ  گیش  بوھگ ءِ  ھوالگ ءَ چار ءُ بچار    کنگ ءَ آں  چیاکہ  پاکستان  ریلوے  پنچ ءُ نیم  ارب  ءَ چہ  گیش وام سگگ  ءِ قابل نہ انت۔  آئیءَ گوشت کہ سیلاپ  ءِ سبب َ   پیسر  ءَ چہ مئے انفراسٹرکچر  تباہ   بوتگ  ایشی  ءِ سببءَ  مئے  ادارگ   آنی  پنشنز  ءُ   پگار  انی   ادائیگی ءِتہ  ءَ   پینگ پیداک  انت۔  آئی ءَ  گوشت کہ پی آئی  اے    ءُ پاکستان ریلوے  کمائینان ءَ  وتی مزور آناں پگار  دینت ، پاکستان ریلوےپنچ  شیڈول آنی  تہءَ وتی  مزور  آناں پگار   دینت   ایشانی  تہ ءَ سئے  شیڈولز آنی ادائیگی  بوتگ  باقی  ادائیگی  باندات  ءَ  تاں   کنگ بیت۔   خواجہ  سعد  رفیق  ءَ گوشت کہ گرین  لائن  ٹرین  ءَ را  جوانیں  رنگ ءَ  دوارگ  بندات  کنگ بوتگ  ءُ   ایشی  ءَ چہ  ریلوے ءِ ریونیو ءِ  تہءَ گیشی  بیت۔