اسلام آباد۔ 31 جنوری (اے پی پی) وزیراعظم محمد شہباز شریف اقوام متحدہ نا چاگڑدی پروگرام نا کنڈان کروک آ کاریم نا ستاءِ کرسا چاگڑدی بدلی، حیاتیاتی تنوع نا نسخان و چاگڑدی نظام نا انحطاب  ءِ زیات گچین وڑاٹ ایسر کننگ کن کوشست آتے  ودفنگ آ زور شاغانے۔ سے شنبےنادے آ وزیراعظم محمد شہباز شریف تون اقوام متحدہ نا چاگڑدی پروگرام نا ایگزیکٹیو ڈائریکٹر (یواین سی پی) انگراینڈرسن اوڑدہی کرے۔ انگراینڈرسن پاکستان نا سرکاری دورہ غاٹی ءِ۔ وزیراعظم پارے کہ چاگڑدی بدلی اینو نا بھلا ویل آتیان اسٹ ءِ۔ اوپارے کہ پاکستان موسمیاتی بدلی تیان غٹ آن زیات زہمی ملک آتیان اسٹ ءِ۔ اوپارے کہ پاکستان چاگڑدی بدلی تتون مون تننگ نا بابت پبی گام گیج کرے۔ انگراینڈرسن وزیراعظم ءِ یواین ای پی نا کنڈان پاکستان اٹی کروک آ گام گیج آتیا حوال تس و یواین ای پی ٹی پاکستان نا فعال کڑد انا ستاءِ کرے۔ وزیراعظم پارے کہ یو این ای پی بھسکار نوکاپ آن پد بحالی نا کوشست آتیٹی پاکستان تون تفے۔

متعلقہ مضامینمصنف کی طرف سے مزید