ناجوڑ آتے گچین طبی آسراتی تا فراوانی کن غٹ تر وسیلہ غاتے کاریم اٹ اتنگے، بنجائی وزیر جان جوڑی نا پولی کلینک نا دورہ نا وخت آ گپ وتران

اسلام آباد۔ 31 جنوری (اے پی پی) بنجائی وزیر جان جوڑی عبدالقادر پٹیل پارینے کہ ڈکھیائی انسانیت نا خذمت ننا مذہبی و اخلاقی فرض ءِ، ناجوڑ آتے گچین طبی آسراتی تا فراوانی کن غٹ تر وسیلہ غاتے کاریم اٹ اتنگک۔ وزارت جان جوڑی نا کنڈان جاری بیان نا رداٹ دا خیال آتا درشانی ءِ او سے شنبےنادے آ پولی کلینک ہسپتال نادورہ نا وخت آ کرے۔ بنجائی وزیر ہسپتال اٹی ناجوڑآتے تروک آ آسراتی تا ہم جاچ ءِ ہلک۔ اوہسپتال اٹی داخل ناجوڑ آتا جان پڑسی ءِ کرے۔ داوخت آ زیر علاج ناجوڑ آتا سیال آک درمان نا آسراتی تا بارواٹی غاوتسر۔ بنجائی وزیر پارے کہ ناجوڑ آتے گچین طبی آسراتی تا فراوانی ٹی ڈیوالئی و لاپرواہی ءِ سگنگ پننگک۔ ناجوڑ آتے گچین طبی آسراتی تا فراوانی کن غٹ تر وسیلہ غاتے کاریم اٹ اتنگے۔ اوپارے کہ سرکاری ہسپتال آتا کارکڑد ءِ پین گچین کننگ کن پبی گام گیج کننگ انگ ءِ۔ اوپارے کہ ڈکھیائی انسانیت نا خذمت ننا مذہبی و اخلاقی فرض ءِ۔