بنجائی وزیر ساجد حسین طوری نا پارا چنار اٹی کھلی کچہری ، السی ویل آتا ایسری کن ہمووخت آ پرمان جاری کرے

اسلام آباد۔ 31 جنوری (اے پی پی) بنجائی وزیر سمندر پار پاکستانیز و شونداری انسانی وسیلہ ساجد حسین طوری تینا باوہ پیرہ ئی آ ضلع کرم نا صدر مقام پاراچنار اٹی کھلی کچہری اس اڈ تس ہراٹی مچ آ ضلع غان مخلوق بھلو کچ اسے ٹی بشخ ہلکر۔ مخلوق بنجائی وزیر ءِ انفرادی و اجتماعی ویل آتیان معلومدار کریر۔ اوکھلی کچہری ٹی سد آ بندغ آتون اسٹ اسٹ آ اوڑدہی کرے و اوفتا ویل آتا ایسری کن وخت آ پرمان جاری کرے۔ داوخت آ او پارے کہ ضم مروک آ ضلع غاک ترندی اٹ بدل مننگ ءُ و علاقہ ٹی امن و ایمنی و شونداری  کن داجاگہ نا مخلوق نا شعور ودنگ ءِ و الس انفرادی ویل آتا جاگہ غا اجتماعی شونداری و شونہالی نا پرزور خواست ءِ کننگ ءُ، ہرا نیک بختی اسے۔ اوپارے کہ علاقہ نا شونداری و شونہالی کن سنجیدہ ڈٹ بندی کننگانے وجان جوڑی ، تعلیم و شونداری کاریم تیان ضلع کرم اٹی انقلاب اس برپامریک۔ اوپارے کہ او علاقہ نا ویل آتیان جوانی اٹ بلد ءِ و اونا پبی کوشست ءِ کہ غٹ ویل آتے زوت آن زوت ایسر کننگے۔