متحدہ عرب امارات نا صدر شیخ محمد بن زیدال نہیان اینو (دوشنبے نادے آ) اسہ دے ئی دورہ غا اسلام آباد آ سرمریک

اسلام آباد۔30 جنوری (اے پی پی) متحدہ عرب امارات نا صدر شیخ محمد بن زیدالنہیان اینو (دوشنبے نادے آ) اسہ دے ئی دورہ غا اسلام آباد آ سرمریک۔ وزیراعظم آفس نا میڈیا ونگ آن جاری بیان نا رداٹ یواے ای نا صدر ءِ جے ایف۔ 17 جہاز آتا رکھی حصار اٹی پی اے ایف نور خان ایئر بیس آ سرکننگک ہراڑے اودے 21 توپ آتا سلامی تننگک۔ وزیراعظم محمد شہباز شریف و بنجائی کابینہ نا اہم باسک آک ایئر بیس آ شرفمند آ مہمان ءِ بخیر کیرہ۔ شیخ محمد بن زیدالنہیان ءِ وزیراعظم ہاؤس اٹی پاکستان نا سلہہ بند فوج انا کنڈان گارڈ آف آنر پیش کننگک اوکان پد وزیراعظم محمد شہباز شریف تون اونا اوڑدہی مریک۔ یات سلے شیخ محمد بن زید النہیان 25 جنوری 2023آ پاکستان آ سرمسوسس۔ وزیراعظم محمد شہباز شریف رحیم یار خان نا بالی پٹ آ اودے بخیر کریسس۔ ہڑتوم آ راہشون تا نیام اٹ رحیم یار خان اٹی اوڑدہی ہم مسوسس۔