اسلام آباد۔ 30 جنوری (اے پی پی) مسلم لیگ (ن) نا سنئر نائب صدر و چیف آرگنائزر مریم نواز شریف نا بنجائی دارالحکومت اسلام آباد تون اوار مچ آ ملک اٹی تنظیمی دورہ غاتا شیڈول نا پڑو ءِ کننگانے۔ مسلم لیگ (ن) نا ترجمان و بنجائی وزیر حوالکاری و شینکاری مریم اورنگزیب نا رداٹ مریم نواز یکم فروری آ بہاولپور اٹی ورکرز کنونشن آن تران کیک وخت اس کہ 2 فروری آ بہاولپور اٹی پارٹی نا تنظیمی دیوان مریک، 5 فروری آ ملتان اٹی پارٹی کنونشن و 6 فروری آ تنظیمی دیوان اس اڈ ہلیک۔ 9 فروری آ مریم نواز ایبٹ آباد اٹی کنونشن آن تران کیک و 10 فروری آ ایبٹ آباد اٹی پارٹی نا تنظیمی دیوان ا س اڈ ہلیک۔ 15 فروری آ ڈیرہ غازی خان اٹی کنونشن و جلسہ غان مریم نواز تران کیک و 16 فروری آ ڈی جی خان اٹی پارٹی نا تنظیمی دیوان نا کماشی ءِ کیک۔ 19 فروری آ راولپنڈی ٹی ورکرز کنونشن مریک وخت اس کہ 20 فروری آ تنظیمی دیوان اڈ ہلیک۔ 23 فروری آ مریم نواز شریف سرگودھا ٹی ورکرز کنونشن آن تران کیک و 24 فروری آ مریم نواز سرگودھا ٹی پارٹی تنظیمی دیوان نا کماشی ءِ کیک۔ 27 فروری آ ساہیوال اٹی ورکرز کنونشن مریک و 28 فروری آ مریم نواز پارٹی نا تنظیمی دیوان نا کماشی ءِ کیک ۔ 3 مارچ آ گوجرانوالہ ٹی کنونشن و 4 مارچ آ تنظیمی دیوان مریک۔ 7 مارچ آ شیخوپورہ ٹی کنونشن و 8 مارچ آ پارٹی نا تنظیمی دیوان مریک۔ 11 مارچ آ فیصل آباد اٹی مسلم لیگ (ن) نا کنونشن و 12 مارچ آ پارٹی نا تنظیمی دیوان مریک۔ مریم نواز پشاور اٹی 15 مارچ آ پارٹی کنونشن آن تران کیک و 16 مارچ آ تنظیمی دیوان مریک۔ پارٹی ترجمان نارداٹ لاہور ڈویژن اٹی 19 مارچ آ کنونشن و 20 مارچ آ تنظیمی دیوان مریک۔ مریم نواز شریف 23 مارچ آ کوئٹہ غا کاہک و ورکرز کنونشن آن تران کیک۔ 24 مارچ آ کوئٹہ ٹی مسلم لیگ (ن) نا تنظیمی دیوان مریک۔ کراچی ٹی ورکرز کنونشن 27 مارچ آ مریک وخت اس کہ 28 مارچ آ پارٹی نا تنظیمی دیوان مریک۔ مسلم لیگ (ن) نا راہشون ڈاکٹر طارق فضل چوہدری نا رداٹ مریم نواز 11 فروری آ اسلام آباد اٹی پارٹی کنونشن آن تران کیک وخت اس کہ 12 فروری آ اسلام آباد نا تنظیمی دیوان نا کماشی ءِ کیک۔
