اسلام آباد۔29جنوری (اے پی پی): بنجاھی وزیر ھزانگ سینیٹر محمد اسحاق ڈار ءَ گوشتگ کہ گوستگیں چار ماہ ءِ ساھت ءَ میاں اوستمانی مارکیٹ ءَ ٹیل ءِ قیمت آنی تہ ءَ گیشی ءَ ابید پاکستان ءَ قیمت کم کنگ بوتگ انت۔ گوستگیں لستیں روچ ءَ چہ میڈیا ءُ سوشل میڈیا ءِ سر ءَ پٹرولیم ءِ چیز آنی قیمت آنی تہ ءَ بازیں کس آں 40 گوشتگ ءُ 50 ءَ بگر تاں 80 کلدار یک لیٹر ءَ تاں گیشی ءِ اپواہ گردش کنگ ءَ بوتگ انت۔ ایشی ءِ سبب ءَ وت جوڑ کتگیں ڈکال ھم پیداک کنگ بوتگ، پٹرول ءُ ہائی سپیڈ ڈیزل ءِ قیمت آنی تہ ءَ 35،35 کلدار وھدیکہ گاسٹیل ءُ لائٹ ڈیزل ءِ قیمت آنی سر ءَ 18 کلدار یک لیٹر گیش کنگ بوھگ ءَ انت۔ نوکیں قیمت یک شمبے ءِ سہب ءِ 11 کلاک ءَ چہ کنگ بوھگ ءَ انت تانکہ وت ڈکال پیداک کنوکیں مردم آناں ڈگار ءَ جنگ بہ بیت۔ یک شمبے ءِ روچ ءَ میڈیا ءَ گوں تران کنان ءَ آئی ءَ گوشت کہ اوگرا ءِ نیمگ ءَ چہ پٹرولیم ءِ سامان آنی تہ ءَ گیشی ءِ سمری رستگ۔ آءی ءَ گوشت کہ گوستگیں لستیں روچ ءَ چہ سوشل میڈیا ءَ پٹرولیم ءِ سامان آنی تہ ءَ قیمت آنی تہ ءَ 45،50 ءُ 80 کلدار یک لیٹر ءِ گیشی ءِ ھال شنگ بوتگ ا نت ایشی ءِ سبب ءَ بازیں دمگ آنی تہ ءَ پٹرول ءِ ڈکال پیداک کنگ بوتگ تانکہ قیمت آنی تہ ءَ گیشی ءَ چہ سیت کمائینگ بہ بیت۔ آئی ءَ گوشت کہ گوستگیں چار ماہ ءِ ساھت ءَ میاں اوستمانی منڈی ءَ قیمت 11 درسد گیش بوتگ انت، پٹرولیم ءِ سامان آنی تہ ءَ قیمت آنی کچ ءُ کساس ءِ ھوالگ ءَ اے جاور ھال بوھگی بوتگ انت۔ آئی ءَ گوشت کہ بنجاھی حکومت ءَ یکم اکتوبر 2022 ءَ بگر تاں 29 جنوری 2023 ءَ چار ماہ ءِ کچ ءُ کساس ءَ پٹرولیم ءِ سامان آنی قیمت ءِ 8 رند ءَ گیشنتگ انت ءُ قیمت آنی تہ ءَ گیشی نہ کتگ وھدیکہ ایشی ءِ مٹ ءَ پٹرول ءُ ڈیزل ءِ قیمت آنی تہ ءَ 20 کلدار ءُ ایندگر پٹرولیم ءِ سامان آنی تہ ءَ قیمت ءَ 30 کلدار ءَ تاں کمی کنگ بوتگ۔ اسحاق ڈار ءَ گیش تران کنان ءَ گوشت کہ ٹیل ءِ قیمت میاں اوستمانی رد ءَ قیمت آنی تہ ءَ گیشی ءُ سٹیٹ بینک ءِ نیمگ ءَ کلدار ءِ قدر ءِ تہ ءَ کمی ءِ ھوالگ ءَ مزن وزیر محمد شہباز شریف ءِ پنت ءُ شون ءِ رد ءَ نیاد آنی تہ ءَ گیشی ءِ ھوالگ ءَ اوگرا ءِ سمری ءَ گوں تپاک کنان ءَ کنگ بوتگ۔
