اسلام آباد۔27جنوری (اے پی پی):ملک ءِ روبرکتی ءُ برزئی دمگ آنی تہ ءَ شمبے ءِ روچ ءَ تاں دو شمبے ءَ کوھی دمگ آنی سر ءَ ھور شنز ائیت، روبرکتی گواتی ھند آنی تہءَ سرتی ءِ کساس ءِ تہ ءَ گیشی ءِ گمان انت وھدیکہ برف باری ءُ لینڈ سلائیڈنگ ءِ سبب ءَ سڑک بند بوھگ ءِ گما ن ھم است انت، پیشن گوئی ءِ کسا ءِ ساھت ءَ کجام ھم نہ وشیں جاور ھال آں چہ رکھگ ءِ واستہ توامیں سیادی داروکیں محکمہ ءُ ادارگ الرٹ بوھگ ءِ شور ءُ مشور دیگ بوتگ۔ محکمہ موسمیات ءِ رد ءَ روبرکتی گوات شمبے ءِ روچ ءَ ملک ءَ روبرکتی بھر آنی تہ ءَ پترگ ءِ گوما گمان انت ایش شمبے ءَ برزئی دمگ آناں وتی گوما پتا انت ءُ اے جاور ھال (نیم روچ) ءَ تا برجا بوت کنت انت۔ اے موسمی نظام ءِ اثر مری، گلیات ، کشمیر (نیلم ویلی، مظفر آباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور، گلگت بلتستان (دیامیر)، استور، غذر، سکردو، ہنزہ، گلگت، گھانچے، شگر)، چترال، دیر، سوات، مانسہرہ، ہری پور، کوہستان، ایبٹ آباد 28 (بیگاہ/شپ) ءَ چہ 30 جنوری ءَ تاں وھدیکہ اسلام آباد، پوٹھوہار ریجن، گوجرانوالہ، گجرات ءَ ، حافظ آباد، منڈی بہاؤالدین، سیالکوٹ، نارووال، لاہور، فیصل آباد، ٹوبہ ٹیک سنگھ، جھنگ، قصور، شیخوپورہ، ننکانہ صاحب، خوشاب، میانوالی، سرگودھا، کرک، پشاور، چارسدہ، نوشہرہ، صوابی، بونیر، باجوڑ، کرم، وزیرستان، کوہاٹ، بنوں ءُ ڈیرہ اسماعیل خان ءَ 29 ءُ 30 جنوری ءَ بازیں جاہ آں ترونگل ءِ گوما ھور ءُ کوھی دمگ آں برف باری، / سیاہ گوات/ گرند ءُ گروک ءِ گوما ھور بوھگ گما ن انت۔ کوئٹہ ، ژوب، بارکھان، ہرنائی، قلعہ سیف اللہ، قلعہ عبداللہ، چمن، پشین، پنجگور، تربت، خضدار، قلات ءُ مکرانءِ تیاب دپی دمگ آنی تہ ءَ 28 ءُ 29 جنوری (بیگاہ/ شپ) ءَ ھور شنزگ ءُ کوھی دمگ آنی سر ءَ برف باری ءِ گمان انت۔ اے ساھت ءَ بھکر ، لیہ ، ملتان، ڈیرہ غازی خان، سکھر، بہاولپور، ساہیوال، اوکاڑہ ءُ پاکپتن ءَ ھم ھور شنزگ گمان انت۔ مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، اسکردو، وادی نیلم، باغ، پونچھ ءُ حویلیاں ءِ دمگ ءَ نیامی درجگ ءِ برف باری ءَ چہ 28 تاریخ ءَ چہ سڑک بند بوت کن اَنت وھدیکہ اے ساھت ءَ برزئی خیبر پختونخوا ، مری، گلیات، کشمیر ءُ گلگت بلتستان ءَ لینڈ سلائیڈنگ ھم بوت کنت۔ سیل ءُ سوادی مردم ءُ مسافر آناں اے ساھت ءَ گیشاں چہ گیش تیار ءُ سوگا بوھگ ءِ مشورہ دیگ بوتگ۔ اے ھور ھاسیں رنگ ءَ پنجاپ ءُ خیبر پختونخوا ءِ ھور ءُ ارگی دمگ آنی تہ ءَ تیاریں کشار آنی واستہ سیت مند سہرا بنت۔ محکمہ موسم زانت آنی توامیں سیادی داروکیں کاندہ آناں مشورہ داتگ کہ آ پیشوکی ھال ءُ سرپدی آنی وھد ءُ پاس ءِ ساھت ءَ کجام ھم نہ وشیں جاور ھال آں چہ رکھگ ءِ واستہ “الرٹ” بہ بئے۔
