کوئٹہ۔ 27 جنوری (اے پی پی) وزیراعلیٰ بلوچستان میر عبدالقدوس بزنجو ضلع کچھی ٹی لیویز پوسٹ آ دہشت گرد جلہو نا مذمت ءِکرسا پارینے کہ دہشت گرد آتا سم کاری آن اسہ لیویز کارندہ اسے نا شہیدی آ ڈکھیائی و است ہسونی نا درشانی ءِ کرسا شہید کارندہ نا خاہو ت تون ہڑزخواہی و ہمدردی نا درشانی ءِ کرینے۔ داڑے جاری مروک اسہ بیان اسے ٹی وزیراعلیٰ پارے کہ لغوری نا کارروائی تے اٹ فورس آتے مرعوب کننگ مفک ، فورس آتا حوصلہ بلند و عزم سوگو ءِ۔ وزیراعلیٰ پارے کہ دہشت گرد آتے اوفتا ایسر اسکان سرکینہ۔ وزیراعلیٰ شہید نا درجہ غاتا بڑزی و خاہوت کن صبر وجمیل نا دعاکرے۔
