کوئٹہ۔ 27 جنوری (اے پی پی) بولان نا علاقہ ٹی لیویز چوکی آ دہشت گرد آتا جلہو اٹی اسہ لیویز کارندہ اس شہید مس۔ لیویز نا رداٹ تدوک آ نن بولان نا علاقہ بالاناڑی ٹی نادرست دہشت گرد آک لیویز چوکی آ سم کاری کریر ہراٹی اسہ لیویز کارندہ اس خالد احمد کرد شہید مس۔ لیویز نا ورندی کارروائی آن پد دہشت گرد آک نرنگ اٹ سرسہب مسر۔ لیویز لاش ءِ ہسپتال آ سرکرسا المی کارروائی آن پد اودے اوفتا خواجہ غاتا دوٹی تس۔ واقعہ غان پد لیویز و سیکورٹی فورس آک علاقہ ءِ گھیڑ اٹی ہلسا دوبہ دار آتا دزگیری کن سرچ آپریشن نا بناءِ کریر۔
