اسلام آباد۔26جنوری (اے پی پی): مزن وزیر محمد شہباز شریف ءَ گوشتگ کہ پاکستان امریکہ ءِ گوما وتی کوھنیں یکوئی آناں ارزشت دنت، پاکستان ءُ امریکہ ءِ نیام ءَ اقتصادی ءُ تجارتی یکوئی آناں گیش برجم کنگ ءِ واستہ جزمیگ انت۔ اے ھیال آنی درشانی آئی ءَ پاکستان ءَ امریکہ ءِ سفیر ڈونلڈ بلوم ءَ گوں تران کنان ءَ کت آئی ءَ پنچ شمبے ءِ روچ ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر اے موہ ءَ جنیوا ءَ انوں زوتاں برجم بوھوکیں ریزیلیئنٹ پاکستان ءَ میاں اوستمانی کانفرنس ءَ ھوار سیلاپ ءَ چہ پد پاکستا ن ءِ نوک سر جوڑیشت ءُ برجائی ءِ کوشست آنی واستہ امریکہ ءِ یک شلیں کمک ءِ پد ءَ شگر ءُ منت واری گپت۔ مزن وزیر ءَ اے گپ ءِ درشان کت کہ پاکستان ءُ امریکہ ء گوما وتی کوھنیں یکوئی آناں ارزشت دنت۔ آئی ءَ پاکستان ءَ امریکہ ءِ گوما اقتصادی ءُ تجارتی یکوئی آناں گیش مھکم کنگ ءِ جزم ءِ درشان کت۔ مزن وزیر ءَ اے گپءِ سر ءَ زور پر دات کہ دوئیں ملک آنی نیام ءَ مھکمیں ءُ دراج بریں بنیات ءَ رابطہ دو نیمگی ءُ دمگی شوبگ آنی تہءَ دوئیں ملک آنی یکجائیں سیم سر آناں دیم ءَ جنزینگ ءِ کار ءِ ھوالگ ءَ ارزشتی انت۔ اے موہ ءَ امریکی سفیر ءَ گوشت کہ امریکہ سیلاپ ءَ چہ آسودگی ءِ گوما معاشی دیمروئی ءُ گہتری ءِ ھاترا حکومت ءِ پاکستا ن ءِ کوشست آنی ھمبراہ داری جاڑی مانئیت۔
