اسلام آباد۔ 26 جنوری (اے پی پی) چیئرپرسن بی آئی ایس پی شازیہ مری پارینے کہ انٹرنیٹ نا تعلیم خلقی آ زالبول آتا خودانحصاری نا کنڈا اہم ءُ گام اسے۔ اسلام آباد اٹی دود آن تران کرسا شازیہ مری پارے کہ پاکستان نا زالبول آک مچ آ دنیا نا زالبول آتیان نرزور وزیات حوصلہ مند ءُ۔ ننے زالبول آتون اوار اوار نرینہ غاتے ہم زالبول آتا شرف ءِ کننگ نا تربیت تروئی مریک۔ علم و آگاہی آن پاکستانی زالبول آک ملکی شونداری ٹی اہم ءُ کڑد اس ادا کننگ کیرہ۔ گوگل نا پاکستان اٹی ڈیجیٹل ایجوکیشن اٹ اہم ءُ کڑد اسے۔ گوگل پاکستان اٹ ڈیجیٹل شونداری ٹی پین کڑد ادا کننگ کیک۔ لمہ و باوہ تینا چناخاص وڑاٹ مسن تا جوان تربیت ءِ کیر۔ چناتے ڈیجیٹل و موبائل فون نا محتاط کاریم اٹ اتنگ نا تربیت تننگ لمہ و باوہ غاتا زمواری ءِ۔ بی آئی ایس پی زالبول آتے بینک اکاؤنٹ نا کمک اٹ زر انا زرتس نا بناءِ کننگ ءِ۔ بینک اکاؤنٹ آتیان زالبول آتا ڈیجیٹل و فنانشل ایجوکیشن اٹی ودکی مریک۔ بی آئی ایس پی و این آر ایس پی زالبول آتے راجی و مالی وڑاٹ سوگو کننگ کن اواری اٹ کاریم کننگ کیرہ۔
