اسلام آباد۔ 26 جنوری (اے پی پی) بنجائی وزیر ڈٹ بندی ، شونداری، اصلاحات و خصوصی گام گیج پروفیسر احسن اقبال پارینے کہ روچہ مبارک اٹی کاریم اٹ اتوک آ کنوئی آ گڑاتا نہاد آتیٹی توازن ءِ برقرار تخنگ کن پیشگی ڈٹ بندی کننگے، کوڑی کننگ و ناروا منافع خوری نا حوصلہ شکنی کن صوبائی حکومت آک دمدستی گام گیج کیر۔ داخیال آتا درشانی ءِ او پنچ شنبےنادے آ تینا کماشی ٹی نیشنل پرائس مانیٹرنگ کمیٹی نا دیوان اٹی گپ وتران کرسا کرے۔ بنجائی وزیر پارے کہ روچہ مبارک اٹی کاریم اٹ اتوک آ کنوئی آ گڑاتا نہاد آتیٹی تواز ن ءِ برقرار تخنگ کن پیشگی ڈٹ بندی کننگے۔ کوڑی کننگ و ناروا منافع خوری نا حوصلہ شکنی کن صوبائی حکومت آک دمدستی گام گیج کیر۔ اوپارے کہ صوبائی حکومت آک ضلعی انتظامیہ ءِ پارت کیر کہ نُت مل آتیٹی کوڑی مف۔ روچہ ٹی کنوئی آ گڑاتا مانگ انا رداٹ سپلائی ءِ پک کننگے۔ روچہ ٹی المی آ کنوئی آ گڑاتا کاختی بایدے ودی مف۔ اوپارے کہ کبینی نا عفریت آن ریلیف فراوان کننگ کن المی گام گیج کننگے۔ رسد وطلب نا نیام اٹ پرخ ءِ کم کننگ کن تعلقدار انتظامیہ گچین گام گیج کے۔ وزارت فوڈ سیکورٹی غٹ صوبہ غاتون اواری اٹ پک کے کہ اسہ صوبہ سے ٹی ہم کنوئی آ گڑاتا تنکی ودی مف اوپارے کہ دا بابت ہفتہ وار دیوان اڈتننگے۔
