اسلام آباد۔ 26 جنوری (اے پی پی) بنجائی وزیر قومی جان جوڑی عبدالقادر پٹیل پارینے کہ پولیو نا چٹفنگ کن اسہ مربوط حکمت عملی اس ٹہیفنگ انگ ءِ ، ملک آن پولیو نا چٹفنگ نا پکا عزم کرینن، پولیو نا چٹفنگ اسکان آسرات تولپنہ۔ پنچ شنبےنادے آ وزارت جان جوڑی آن جاری بیان نا رداٹ بنجائی وزیر پارے کہ مچ آ پاکستان اٹی خیبرپختونخواو اوغانستان آ ہنوک آ ٹرک آتیا پولیو آن بچفنگ ناآگاہی مہم نا بناءِ کننگک۔ پاکستانی ٹرک آرٹ مچ آ دنیا ٹی پنی ءِ، ننا پولیو آن پاک پاکستان ٹرک آرٹ نا کلہو بھلو حداسسکان سرسہب مریک، پولیو آن پاک پاکستان نا کلہو ٹرک آرٹ نا کمک اٹ غٹ صوبائی بولی تیٹی ٹرک آتیا کشیدہ کننگک۔ اوپارے کہ پولیو نا چٹفنگ کن اسہ مربوط ءُ حکمت عملی اس ٹہیفنگ انگ ءِ۔ پولیو نا چٹفنگ کن غٹ تر المی وسیلہ و گام گیج آتے پک کننگ ءِ۔ ملک آن پولیو نا چٹفنگ نا پکا عزم کرینے۔ اوپارے کہ پولیو نا چٹفنگ اسکان آسرات تولپنہ۔ اوپارے کہ ببواواری اٹ قول کین پولیو نا چٹفنگ کن تینا تینا کڑد ءِ ادا کینہ۔
