اسلام آباد۔ 26 جنوری (اے پی پی) پاکستان و قازقستان واپاری راہداری معاہدہ غا دستخط کننگ آ امنا کرینو۔ دا امنائی سلاہ بنجائی وزیر واپار سید نوید قمر تون قازقستان نا سفیر یرژان کستافین نا نیام اٹ پنچ شنبےنادے آ مروک آ اوڑدہی ٹی طے مس۔ داوخت آ قازقستان و پاکستان نا نیام اٹ واپار نا مون آ دننگ کن ممکنہ وارخواہی آ گپ وتران کننگا۔ بنجائی وزیر سید نوید قمر پارے کہ ہڑتوم آملک آتا نیام اٹ سوگو اقتصادی و واپاری تعلقداری تے پین سوگو کننگ نا خواہندار اُن، ہڑتوم آ فریق معاہدہ غاتے ایسر اسکان سرکننگ نا عمل ءِ ترند کیرہ۔ اوپارے کہ پاکستان بروک آ تُوتیٹی واپار آ اسیجائی ورکنگ ٹولی اسے نا بروک آ دیوان نا مہمانداری ءِ کیک۔ قازقستان نا سفیر بنجائی وزیر نا مخ تفی آ اونا ستاءِ کرے و اومیت ظاہر کرے کہ معاہدہ غاتے زوت گڈیکو دروشم اس تننگک۔ اوپاکستانی گوازی تا گڑا، فرنیچر و سیل و سوا ت اٹی ہم بھاز است خواہی ظاہر کرے۔ سید نوید قمر قازقستان نا سفیر ءِ او آئی سی نا باسک ملک آتا 18 می واپاری میلہ ٹی بطور مہمان خاص بٹنگا۔ او آئی سی واپاری میلہ 16 آن 18 جولائی 2023آ لاہور اٹی زالبول آتا کاروباری شخصیت نا سرحال آ اڈ ہلیک۔ بنجائی وزیر قازقستان نا حکومت ءِ او آئی سی نا واپاری میلہ ٹی ’’خصوصی پویلین‘‘ اس جوڑ کننگ نا ہم سلہ خلک ۔
