اسلام آباد۔ 26 جنوری (اے پی پی ) وزیراعظم نا سلاہکار امور کشمیر و گلگت بلتستان قمر زمان کائرہ پارینے کہ بھارت نا پِن انا یوم جمہوریہ ءِ مظلوم کشمیری الس تہاردے انا وڑاٹ اڈتننگ ءُ، جموں وکشمیر آ ناروا کوزہ غان پد ہم تینے اسہ جمہوریہ اس پاننگ بھارت کن شرمناک ءِ، اسہ کنڈا بھارت یوم جمہوریہ اڈتننگ ءِ تو ایلو کنڈا او کشمیری تا بنداوی حق اسکان سلب کرینے، بھارت تینا غیرکانودی کوزہ گیری ٹی جموں وکشمیر اٹی است ہسون ظلم کننگ اٹی ءِ۔ بھارت نا پِن انا یوم جمہوریہ نا وخت آ تینا بیان اٹی قمر زمان کائرہ پارے کہ اینو بھارت دنیا نا مون آ اسہ ہندو فاشٹ ملک اسے نا وڑاٹ بے نقاب مسنے، وزیرخارجہ بلاول بھٹو زرداری مودی نا ہندو انتہاپسند حکومت ءِ مچ آ دنیا نا مون آ بے نقاب کرینے، بھارت اٹی ہندو انتہاپسندی و اقلیت آتیا ظلم تینا آخیریکو حد ءِ سرمسنے۔
